વસિયત

આખરી પળ, ઓ સ્વજન, બસ ઘૂંટ પાણી આપજો,
ને પછી કાને ફરીથી ગામ-વાણી આપજો.

જિંદગી આખી ફરી, બે આંખ બાંધીને, ભલા,
રામ, બીજે ભવ મને ના બળદ-ઘાણી આપજો.

ગામને જમવા ન તેડો, ખર્ચ ના કરશો કશો,
કોઈ ભૂખ્યા બાળને મારી કમાણી આપજો.

ના વખાણો, ના બિરુદ, ના હાર ફોટા પર ચડે,
દીકરાને બાપની સાચી કહાણી આપજો.

આ પરાગે જિંદગીભર રાત મ્હેકાવી હતી,
ના ગુલાબો, ના કમળ, બસ રાતરાણી આપજો.

– પરાગ રતનપરા

#ગઝલ #વસિયત #અંતિમઇચ્છા #મૃત્યુ #સાદગી #પરાગરતનપરા
#GujaratiGhazal #LastWish #Death #Simplicity #Legacy #ParagRatanpara