વરસાદ દે

બીજ વાવ્યાં, આશ વાવી, ખેતરે વરસાદ દે,
બેડલાં ખાલી હજી છે, આંગણે વરસાદ દે.

છાપરું તૂટેલ, ઘરમાં રાતભર ટપકે બધું,
તોય ના ફરિયાદ કરશું, છાપરે વરસાદ દે.

ઢોર ભૂખ્યાં, ઝાડ સૂકાં, ને સુકાયાં સૌ ઝરણ,
ઘાસ પણ ના ઊગતું, આ ડુંગરે વરસાદ દે.

મેઘ જો આવે નહીં તો દીકરો જાશે નગર,
ગામ સૂનું થઈ જશે, આ ઝૂંપડે વરસાદ દે.

આ ‘પરાગે’ ના કદી માગ્યો ખજાનો, ઓ ધણી,
હેત માનું જેમ, એવું પાદરે વરસાદ દે.

– પરાગ રતનપરા

#ગઝલ #ખેડૂત #વરસાદ #પ્રાર્થના #ગામડું #પરાગરતનપરા
#GujaratiGhazal #FarmersPrayer #Monsoon #RuralLife #Drought #ParagRatanpara