વરસ તું

ઢોર ભૂખ્યાં, ઘાસ સૂકું, સાવ કોરે, વરસ તું,
આભ સામે જોઈ બેઠું ગામ ચોરે, વરસ તું.

વીજળી ઝબકી જરા ત્યાં આંખ ઝબકી બાપની,
આ વખત ગાજી ન જાતો, ખૂબ જોરે વરસ તું.

કાગળોની નાવ બાળક રોજ બાંધે રાહમાં,
આંગણે ખાબોચિયાં થઈ, છેક ઓરે, વરસ તું.

ગઈ વરસ તું ના પધાર્યો, દીકરો ચાલ્યો નગર,
એ ય પાછો આવશે, બસ આજ ભોરે વરસ તું.

ખેતરે ઊડી રહી છે ધૂળ થઈને આ પરાગ,
બીજ થઈને પાંગરે તો આંબ-મોરે વરસ તું.

– પરાગ રતનપરા

#ગઝલ #વરસાદ #ખેડૂત #દુકાળ #પ્રાર્થના #પરાગરતનપરા
#GujaratiGhazal #Monsoon #FarmersPrayer #Drought #RainOfHope #ParagRatanpara