ઠોકરે

નામ તારું સાંભરે છે, ઈશ, બસ હર ઠોકરે,
તું પ્રગટતો રોજ રસ્તાના જ પથ્થર ઠોકરે.

બાળપણમાં હું પડી ગ્યો, ત્યાં જ મા દોડી, અને
મા કહે: ‘હે રામ!’ મારી આ જ ઉંબર ઠોકરે.

ફૂટપાથે ધ્રૂજતો’તો એક ડોસો રાતભર,
તું જ દીઠો ત્યાં જ એની ફાટ-ચાદર ઠોકરે.

ગ્રંથ વાંચ્યા, વેદ વાંચ્યા, તોય તું જડતો નથી,
ત્યાં ગઝલમાં તું જ આવ્યો, એક અક્ષર ઠોકરે.

ફૂલ પર ભમરો ઢળે, ને મ્હેક ઊડે, ઓ ‘પરાગ’,
એમ ઈશ્વર સળવળે છે સાવ અંદર ઠોકરે.

– પરાગ રતનપરા

#ગઝલ #ઈશ્વર #ઠોકર #ભક્તિ #કરુણા #પરાગરતનપરા
#GujaratiGhazal #GodInStumbles #Faith #Compassion #InnerDivinity #ParagRatanpara