તને

રોજ જોઉં, રોજ ચાહું, તોય હું શોધું તને,
તું જ ભીતર છે, પછી શું કામ હું ખોળું તને?

ચાંદની જેવી ત્વચા પર સાંજનો પાલવ ઢળે,
એક ઓઢણ જેમ આખી રાત હું ઓઢું તને.

હોઠ પર મધ, આંખમાં દરિયો, અને વાળે ઘટા,
કેટલા મોસમ મળીને આપતા વ્હાલું તને.

ખોઈ બેઠો જાતને હું, એ જ મારી જીત છે,
એટલે તો હારથી પણ આજ હું જીતું તને.

એટલું સમજી ગયો છું આખરે વ્હાલી, ‘પરાગ’:
ફૂલ જેવી છે, અડું તો કેમ હું ચૂંટું તને?

– પરાગ રતનપરા

#ગઝલ #પ્રેમ #શૃંગાર #સમર્પણ #પ્રિયતમા #પરાગરતનપરા
#GujaratiGhazal #LovePoetry #Surrender #Beloved #LostInYou #ParagRatanpara