તમે આવ્યાં

હવા મ્હેકી, ઝરૂખામાં દિલ ધબક્યાં, તમે આવ્યાં,
અમાસે પણ દિવાળી સમ ઘર ઝબક્યાં, તમે આવ્યાં.

હતાં સૂકાં ઘણાં વર્ષો, નયનનાં બેઉ સરવરિયાં,
હવે આ આંખના સઘળા જળ છલક્યાં, તમે આવ્યાં.

લખી રાખી હતી ફરિયાદ, ઠપકાઓ, દલીલો પણ,
રિસાયેલાં હતાં તોયે, મન મલક્યાં, તમે આવ્યાં.

હતો થંભી સમય જાણે, હતી મૂંગી ઘડી સઘળી,
સદી જેવી હતી જે, એ પળ ચમક્યાં, તમે આવ્યાં.

‘પરાગે’ ફૂલ થઈને રાહ જોયેલી હતી સાંજે,
ભ્રમર ગુંજ્યા, હવા ડોલી, દલ ફરક્યાં, તમે આવ્યાં.

– પરાગ રતનપરા

#ગઝલ #મિલન #પ્રેમ #આગમન #હરખ #પરાગરતનપરા
#GujaratiGhazal #YouArrived #Reunion #LoveBlooms #Joy #ParagRatanpara