શ્રાવણનો દિવસ

તને
શ્રાવણના દિવસ સાથે
સરખાવું?

ના.

શ્રાવણ તો
અચાનક રિસાઈ જાય છે,
વાદળ ભેગાં કરે ને
વરસ્યા વગર
પાછો વળી જાય છે.

શ્રાવણની હરિયાળી
ભાદરવે પીળી પડે છે,
એની સાંજો
વહેલી ઢળી જાય છે,
એના મેઘધનુષ
પાંચ મિનિટમાં
ભૂંસાઈ જાય છે.

તું
એવી નથી.

તું તો
આ કાગળ પર
મેં જે અક્ષરે અક્ષરે
ઝીલી છે
એ ઝરમર છે —

જ્યાં સુધી
કોઈ એક આંખ
આ પંક્તિઓ વાંચશે,
ત્યાં સુધી
તારા પર
ભાદરવો નહીં બેસે.

– પરાગ રતનપરા