શામળા

એક બીડીના ધુમાડે નામ તારું, શામળા,
ઈંટ ઢોતો મંદિરે, પણ ઘર ન મારું, શામળા.

આ દિવસભર ભાર ખેંચું, સાંજ ઝાલર સાંભળું,
તું ય થાકેલો હશે, હું એમ ધારું, શામળા.

ફાટલી આ પાઘડી ને હાથમાં ફોલા ઘણા,
તોય તારી આરતી ટાણે પધારું, શામળા.

કાલ જો હું ના રહું, તો ઈંટ ઢોશે અન્ય સૌ,
કોણ ગાશે ઝાલરે આ ગીત પ્યારું, શામળા?

આ પરાગે પૂછવું છે એટલું, મારા ધણી,
આયખાનો બોજ હું ક્યારે ઉતારું, શામળા?

– પરાગ રતનપરા

#ગઝલ #મજૂર #વૃદ્ધશ્રમિક #ભક્તિ #શામળિયો #પરાગરતનપરા
#GujaratiGhazal #OldLabourer #Devotion #Krishna #DignityOfLabour #ParagRatanpara