સાથે હતા

એ જ શેરી, એ જ ફળિયું, એક ઘર સાથે હતા,
એક ચૂલો, એક દીવો ને સફર સાથે હતા.

ઈદ હો કે હો દિવાળી, બેઉ ઘર ઝળહળ થતાં,
બે ધરમ, પણ એક ડેલી, એ ડગર સાથે હતા.

એક ભાથું, એક પાટી, બાંકડો પણ એક, ને
માસ્તરોની લાકડીની એ અસર સાથે હતા.

એક દી ટોળું ધસી આવ્યું, ભડકતી આગ લઈ,
બે ય બારી બંધ થઈ, જે ઉમ્રભર સાથે હતા.

આ પરાગે યાદ કીધા એ દિવસ, જ્યારે અમે
ફૂલ ને ફોરમ સમા, જે દરબદર સાથે હતા.

– પરાગ રતનપરા

#ગઝલ #મૈત્રી #કોમીએકતા #ભાઈચારો #વિભાજન #પરાગરતનપરા
#GujaratiGhazal #Friendship #CommunalHarmony #Brotherhood #LostBonds #ParagRatanpara