રૂપનો ડંખ

રૂપ રેશમ સમું નયનનો ડંખ છે,
ચાંદની શીતળી ગગનનો ડંખ છે.

વાંસળી સાંભળી ગામ ઘેલું થયું,
શ્યામના રૂપમાં મદનનો ડંખ છે.

ફૂલ ચૂંટ્યું અને આંગળી લાલ થઈ,
એ ય કાંટો નહીં, ચમનનો ડંખ છે.

દીપ જોતાં પતંગો ધસી જઈ બળે,
તેજમાં પણ સદા અગનનો ડંખ છે.

આ પરાગે ભલે મ્હેક વેરી ઘણી,
ફૂલ ખરશે, અરે! પવનનો ડંખ છે.

– પરાગ રતનપરા

#ગઝલ #સૌંદર્ય #આકર્ષણ #મોહ #પ્રેમવેદના #પરાગરતનપરા
#GujaratiGhazal #Beauty #Allure #SweetPain #Infatuation #ParagRatanpara