નિવૃત્તિનું ગીત

સાંઠે નિવૃત્ત થયો, ને ઘડિયાળ ભેટમાં આપી રે,
જે ઘડિયાળે આયખું દોડ્યો, એણે જ ઘડી કાપી રે.

સવાર પડે ને બૂટ પૂછે: ‘શેઠ, ક્યાં છે જાવું?’
છાપું આખું ત્રણ વાર વાંચું, ત્રણ વાર ચા પીવું;
દીવાલ પરના કાંટા જોઉં, દિવસ જાય ના માપી રે…
સાંઠે નિવૃત્ત…

દીકરો કહે: ‘પપ્પા, હવે આરામ કરો ને મોજે,’
વહુ કહે: ‘શાક લાવજો’, ને પૌત્ર કહે: ‘લઈ જાજો રોજે’;
આરામના નામે મળી નોકરી, પગાર વિનાની વ્યાપી રે…
સાંઠે નિવૃત્ત…

પરાગ કહે: બાગમાં ગયો, ત્યાં મળ્યા મારા જેવા,
છાપાં, ગોળી, ઘૂંટણ-દુખાવો — સૌની એક જ સેવા;
હસી પડ્યા સૌ, ને એકલતા ભાગી ઝાંપો ટાપી રે…
સાંઠે નિવૃત્ત…

– પરાગ રતનપરા