નીકળીશું

ભલે હો સમંદર, તરી નીકળીશું,
ભલે ઠેસ વાગે, ફરી નીકળીશું.

અમે તો ઝરણ, ના નડે પથ્થરો પણ,
તિરાડો મહીંથી ઝરી નીકળીશું.

નથી બારણું કે નથી કોઈ બારી,
હવાની જ માફક ગરી નીકળીશું.

ભલે આગ લાગે, બળી રાખ થઈએ,
બની પંખ, ને ઊગરી નીકળીશું.

પરાગી અમે, ફૂલમાં કેદ ક્યાં લગ?
હવા સાથ ધીમે સરી નીકળીશું.

– પરાગ રતનપરા

#ગઝલ #સંકલ્પ #હિંમત #આશા #મુક્તિ #પરાગરતનપરા
#GujaratiGhazal #Resolve #Courage #Hope #Freedom #ParagRatanpara