ઊગી શકે

ઘાસ તો ખડકાળ આ ચટ્ટાનમાં ઊગી શકે,
ને ગુલાબો આગના તોફાનમાં ઊગી શકે.

સો વખત હાર્યો ભલે, હિંમત હજી પણ રાખજે,
જીતનું બી પણ પછી મેદાનમાં ઊગી શકે.

એકલો બેઠો હતો હું, ત્યાં જ ચકલી ગાઈ ગઈ,
એક ટહુકો પણ પછી વેરાનમાં ઊગી શકે.

ખેતરો સૂકાં ભલે, પણ હાર ના માને કિસાન,
એક વાદળ પણ પછી અરમાનમાં ઊગી શકે.

મ્હેક થઈને આ પરાગે ભીતરે જોયું જરા,
તો થયું, ભગવાન મારા ધ્યાનમાં ઊગી શકે.

– પરાગ રતનપરા

#ગઝલ #આશા #સંભાવના #હિંમત #આસ્થા #પરાગરતનપરા
#GujaratiGhazal #Hope #Possibility #Resilience #Faith #ParagRatanpara