મૌનમાં

જે ન શબ્દોમાં સમાયું, એ ગવાયું મૌનમાં,
આંખના કાગળ ઉપર જે જે લખાયું મૌનમાં.

પ્રેમમાં બોલ્યા ઘણું, પણ અર્થ ના પામ્યા કશો,
હાથમાં ખાલી હતું જે, એ ભરાયું મૌનમાં.

પથ્થરો સાથે કલાકારે ન કીધી વાત પણ,
ટાંકણાના તાલ પર એ મુખ ઘડાયું મૌનમાં.

સાળ પર બેઠો વણાટી, હોઠ પર ના બોલ કોઈ,
તાર સાથે તાર જોડી, પટ વણાયું મૌનમાં.

આ ‘પરાગે’ ફૂલ સાથે કોઈ ના વાતો કરી,
તોય આખા બાગમાં કૈં કૈં છવાયું મૌનમાં.

– પરાગ રતનપરા

#ગઝલ #મૌન #શબ્દ #સર્જન #કારીગર #પરાગરતનપરા
#GujaratiGhazal #Silence #BeyondWords #Craftsman #QuietCreation #ParagRatanpara