મળીશું

નહીં આ ભવે, તો કિનારે મળીશું,
અધૂરી રહી જે, ઇશારે મળીશું.

તમે ઝાડ થાજો, બનું હું પરિંદું,
પછી કોઈ ભીની સવારે મળીશું.

ભલે ભીડમાં બેઉ ખોવાઈ જઈએ,
કદી તો દિવાળી-બજારે મળીશું.

ધરા પર જગા ના મળી બેઉને તો,
ચલો, કોઈ ઝળહળ સિતારે મળીશું.

પરાગે ગઝલને અધૂરી જ છોડી,
પછી શેરના કો’ ઉતારે મળીશું.

– પરાગ રતનપરા

#ગઝલ #પ્રેમ #મિલન #પ્રતીક્ષા #પુનર્જન્મ #પરાગરતનપરા
#GujaratiGhazal #WeWillMeet #EternalLove #Hope #Reunion #ParagRatanpara