મહોરું

નવું ને નવું છે સભામાં મહોરું,
ખુદાની ય સામે દુવામાં મહોરું.

સવારે અરીસો મને પૂછતો કે
‘તમે કોણ?’ — ઊગ્યું ત્વચામાં મહોરું.

ઉઘાડા પગે એ ગયા ઝૂંપડે, ને
હતું ત્યાં ઉઘાડું દયામાં મહોરું.

બદલતો હતો રોજ રૂપો નવાં, પણ
જલે છેવટે તો ચિતામાં મહોરું.

પરાગે ન રાખ્યો કદી વેશ બીજો,
ખરી મ્હેક છે, ના હવામાં મહોરું.

– પરાગ રતનપરા

#ગઝલ #વ્યંગ #મહોરું #દંભ #રાજકારણ #પરાગરતનપરા
#GujaratiGhazal #Masks #Hypocrisy #PoliticalSatire #TrueSelf #ParagRatanpara