લોકો અહીં

પારકા ઘરના ઝરૂખે ઝાંકતા લોકો અહીં,
જાતના ડાઘા બધા પણ ઢાંકતા લોકો અહીં.

મંચ પરથી પ્રેમ ને સદ્ભાવ ગાતા રાતદિન,
ને પછી ઘરમાં જ ભીંતો આંકતા લોકો અહીં.

બાળ ભૂખ્યું રોડ પર, ને કાર ઊભી લાલ પર,
કાચ બંધ કરી, ઝપાટે હાંકતા લોકો અહીં.

પથ્થરોના દેવ દૂધે ન્હાય છે, ને બારણે
ભીખ માગે બાળ, એને તાકતા લોકો અહીં.

હું ય એમાંનો જ છું, એ સત્ય સ્વીકારી ‘પરાગ’,
કાવ્યમાં પોતે જ ગપ્પાં હાંકતા લોકો અહીં!

– પરાગ રતનપરા

#ગઝલ #વ્યંગ #દંભ #સમાજ #આત્મનિરીક્ષણ #પરાગરતનપરા
#GujaratiGhazal #Hypocrisy #SocialSatire #DoubleStandards #SelfMockery #ParagRatanpara