લખું છું

તને પત્ર રોજે, બહાને લખું છું,
વિના નામ ને ઠામ, છાને લખું છું.

ગુલાબી બધી લાગણી ને ઉમળકા,
ગણિતની વહીના જ પાને લખું છું.

તને સાદ દેવા ઘણી હામ ભીડી,
હવા થઈ તને આજ કાને લખું છું.

તિજોરી ભરી બાપુએ નોટ-સોને,
ગઝલ હું ઉરે આ ખજાને લખું છું.

પરાગે, ન કાગળ, ન શાહી, ન લેખણ,
હવે મ્હેકમાં હું જમાને લખું છું.

– પરાગ રતનપરા

#ગઝલ #પ્રેમપત્ર #પહેલોપ્રેમ #શાળાનાદિવસો #સુગંધ #પરાગરતનપરા
#GujaratiGhazal #LoveLetters #FirstLove #SchoolDays #Fragrance #ParagRatanpara