લખું છું

તમસમાં રહીને ઉજાસો લખું છું,
અને આંસુએ પણ દિલાસો લખું છું.

નથી કોઈ ભાષણ, નથી કોઈ દાવો,
હૃદયનો જરા શો ખુલાસો લખું છું.

જગત મંચ પર નાચતું રોજ જોઉં,
અને એ જ સૌનો તમાશો લખું છું.

ન ગામે ગયો, ના વિદેશે ગયો હું,
છતાં કાગળે સૌ પ્રવાસો લખું છું.

ખરી ગઈ ભલે ફૂલની પાંખડીઓ,
હવામાં પરાગે સુવાસો લખું છું.

– પરાગ રતનપરા

#ગઝલ #કવિતા #સર્જન #શબ્દ #કવિકર્મ #પરાગરતનપરા
#GujaratiGhazal #Poetry #ActOfWriting #Words #PoetsCraft #ParagRatanpara