ક્યાં ગયું?

પતંગો સમું બાળપણ ક્યાં ગયું?
અરીસા સમું ભોળપણ ક્યાં ગયું?

હતી કાગળી નાવ, ખાબોચિયાં,
જહાજી હતું નાનપણ ક્યાં ગયું?

નિશાળે ન જાવું, પલળવું બધે,
ઉઘાડું પગે ગાંડપણ ક્યાં ગયું?

ઘડીમાં રિસાવું, ઘડીમાં હસી,
ગળે વળગતું ઘેલપણ ક્યાં ગયું?

ગઝલમાં પરાગે ઘણું સાચવી,
છતાં ગોળ શું મીઠપણ ક્યાં ગયું?

– પરાગ રતનપરા

#ગઝલ #બાળપણ #ભોળપણ #સ્મૃતિ #નિર્દોષતા #પરાગરતનપરા
#GujaratiGhazal #Childhood #Innocence #Nostalgia #PaperBoats #ParagRatanpara