ખુલ્લું પાનું

જિંદગી ખુલ્લી કથા છે, સૌ કહે, શો સાર છે?
આંસુએ ભીંજેલ પાનાંનો ઘણો વેપાર છે.

એક પાને પ્રેમ લખ્યો, એક પાને ભૂલ પણ,
લોક ભૂલો રેખતાં, ત્યાં પ્રેમ તો બેકાર છે.

હાંસિયે બાના લખેલા આશિષો ઝાંખા થયા,
તોય એ પાનું જ મારો આખરી આધાર છે.

અંતનું પાનું જ ફાટ્યું, કોણ જાણે શું હશે?
ને કબાડી ત્રાજવે મૂકી કહે: શો ભાર છે?

આ પરાગે જિંદગીનો અંત પણ જોયો, અને
હર કથાના અંતમાં બસ એક ઇંતેજાર છે.

– પરાગ રતનપરા

#ગઝલ #જિંદગી #ખુલ્લીકિતાબ #આશિષ #પ્રતીક્ષા #પરાગરતનપરા
#GujaratiGhazal #LifeAsABook #OpenBook #Blessings #Waiting #ParagRatanpara