કાગળો

રોજ વાંચું છું હજી પણ દીકરાના કાગળો,
આવતા’તા એક-બે, બસ વાયદાના કાગળો.

એક ખેડૂતે ગુમાવ્યું ખેત, ધક્કા ખાય છે,
હાથમાં ભીનાં થયેલાં કાયદાના કાગળો.

તેં લખેલા શબ્દ પર મેં જિંદગી આખી ધરી,
આજ સમજાયું: હતા એ ઝાંઝવાના કાગળો.

રોજ ‘ઇનબૉક્સે’ ભરાતા ઑફરોના ઢગ જુઓ,
પ્રેમ ક્યાં? બસ ‘સેલ’ ને બસ ફાયદાના કાગળો.

આ પરાગે પાંખડી પર મ્હેકથી લખ્યું, અને
ફૂલ વાંચે રોજ એવા વાયરાના કાગળો.

– પરાગ રતનપરા

#ગઝલ #કાગળ #પત્ર #વાયદા #અમલદારશાહી #પરાગરતનપરા
#GujaratiGhazal #Letters #BrokenPromises #Bureaucracy #DigitalAge #ParagRatanpara