સ્ત્રી હતી

ઘરે જે વહી, એ નદી સ્ત્રી હતી,
બધો ભાર ઝીલે, ધરા સ્ત્રી હતી.

ગયો દીકરો સાત સાગર વટી,
રહી રાહ જોતી, દુઆ સ્ત્રી હતી.

યુગોથી પ્રતીક્ષા કરી રામની,
ન બોલી કશું, એ શિલા સ્ત્રી હતી.

કરી ઘર ઝળાંહળ, બળી જાત તો,
ન માગ્યું કશું, એ શમા સ્ત્રી હતી.

પરાગે લખી મ્હેક, પણ જાણ છે:
સુગંધે ફરી જે, હવા સ્ત્રી હતી.

– પરાગ રતનપરા

#ગઝલ #નારી #સ્ત્રીશક્તિ #ત્યાગ #અહલ્યા #પરાગરતનપરા
#GujaratiGhazal #Woman #WomanhoodTribute #Sacrifice #Ahalya #ParagRatanpara