હું જ સારથી

ભલે ઘાવ હો, હું ય તૈયાર છું,
નથી ઢાલ કે તીર, હથિયાર છું.

નથી કોઈ ઘોડો, નથી સારથી,
સ્વયં રથ, સ્વયં હું જ અસવાર છું.

ઘણી વાર હાર્યો, હતાશા નથી,
ફરી ઊઠવાનો જ પડકાર છું.

ન ટોળું, ન ઝંડો, ન નારા કશા,
સ્વયંનો જ હું એક દરબાર છું.

ભલે ફૂલ ખરશે, પરાગ જ રહે,
હવા પર લખેલો જ અણસાર છું.

– પરાગ રતનપરા

#ગઝલ #આત્મવિશ્વાસ #ખુમારી #સંઘર્ષ #સ્વાવલંબન #પરાગરતનપરા
#GujaratiGhazal #SelfReliance #Courage #NeverGiveUp #InnerStrength #ParagRatanpara