ઘર હતું

ઓરડી ને ઓસરી, ને સાવ નાનું ઘર હતું,
તોય એમાં સૌ સમાતાં — એ જ બાનું ઘર હતું.

ફ્લેટમાં ત્રણ ઓરડા ને સૌ જુદા ચોકા હવે,
એક થાળી, એક ચૂલો, એક ગાનું ઘર હતું.

કોલસાનો એક ઘોડો ભીંત પર દોર્યો હતો,
ને પિતા ખીજ્યા નહીં, એવું મજાનું ઘર હતું.

આંગણે તુલસી હતી, ને ગાય ઊભી ખીલડે,
ઈંટ ઈંટે વારતાનું એક પાનું ઘર હતું.

આ ‘પરાગે’ દસ્તખત કરતાં જ સમજાયું તરત,
કાગળો પર ના લખાયું, એ જ છાનું ઘર હતું.

– પરાગ રતનપરા

#ગઝલ #ઘર #બાળપણ #મા #સંયુક્તકુટુંબ #પરાગરતનપરા
#GujaratiGhazal #HouseVsHome #Childhood #Mother #JointFamily #ParagRatanpara