એવું બને

કદી ફૂલથી ઘાવ, એવું બને,
નદી ને છતાં પ્યાસ, એવું બને.

કમાયો ઘણું, ને ગુમાવ્યું ઘણું,
હિસાબે છતાં માત્ર દેવું બને.

કદી બાપની વાત માની નહીં,
છતાં આયનો બાપ-જેવું બને.

ઘણી ઓફિસો, ને ઘણી ફાઈલો,
સહી કાજ ‘ચા-પાન’ લેવું બને.

પરાગે ઘણી વાત સીધી કહી,
ગઝલ થાય ત્યાં સૌ ય કેવું બને!

– પરાગ રતનપરા

#ગઝલ #વિરોધાભાસ #જીવન #વ્યંગ #પિતા #પરાગરતનપરા
#GujaratiGhazal #Paradox #IronyOfLife #Bureaucracy #LikeFather #ParagRatanpara