દિલાસામાં નથી જોયું

અમારા મૌન, ઊંડા આ નિસાસામાં નથી જોયું,
નયન ભીનાં હતાં તોયે ખુલાસામાં નથી જોયું.

હતો દીવો, હતી બાતી, હતું તેલે ભરેલું ઘર,
છતાં ત્યાં એકબીજાને તમાશામાં નથી જોયું.

બધાને સાકરે તોલ્યા, બધાને મીઠડા બોલ્યા,
ઘરે કડવાશ ઓગળતી, પતાસામાં નથી જોયું.

ગયાં વર્ષો, ઢળી ઉંમર, ગયા સાથી, ગયું સઘળું,
અમે જાતે ય પોતાને ભરોસામાં નથી જોયું.

પરાગે સૂર્યમાં શોધ્યો, સિતારે, ચાંદ-તારામાં,
હતો જે મા તણા સાદે, દિલાસામાં નથી જોયું.

– પરાગ રતનપરા

#ગઝલ #અંધારું #સંબંધ #ગેરસમજ #આત્મખોજ #પરાગરતનપરા
#GujaratiGhazal #DarknessWithin #Misunderstanding #Relationships #MothersVoice #ParagRatanpara