દેશપ્રેમ સ્ક્રીનમાં

ભાઈ, દેશપ્રેમ તો મારો છે મોબાઇલની સ્ક્રીનમાં,
ને કચરો નાખું રસ્તા પર, ને થૂંકું છું લાઇનમાં!

પંદરમી ઑગસ્ટે ગાઉં ‘વંદે માતરમ્’ જોરથી,
સોળમીએ સિગ્નલ તોડું ને નીકળું સૌથી મોખરેથી;
ટૅક્સ બચાવું, બિલ ના માગું, હોશિયારી છે ખૂનમાં…
ભાઈ, દેશપ્રેમ તો મારો…

ચૂંટણીના દિ’ રજા માણું, ઊપડું ફરવા દરિયે,
પાંચ વરસ પછી નેતાને ભાંડું ચાની લારી ફળિયે;
ઝંડો ફરકાવું ડીપીમાં, ને ઝંડો ઊડે ધૂળમાં…
ભાઈ, દેશપ્રેમ તો મારો…

પરાગ કહે: આ દેશ નથી કોઈ સ્ટેટસ-સ્ટોરીની વાત,
એ તો કચરો ઉપાડતો એક ઝૂકેલો હાથ;
નાની નાની ફરજોમાં છે મોટો દેશ સમાયો, ભાઈ —
ફરજ ભૂલીને ગાઓ તો એ ગાણું કોરી ધૂનમાં…
ભાઈ, દેશપ્રેમ તો મારો…

– પરાગ રતનપરા