દફતર

મારું દફતર ભારે ભારે, મારાથી ના ઊંચકાય,
મમ્મી, મારે રમવું છે, પણ ટ્યૂશન ટાઇમ થાય!

એક ચોપડી ગણિતની, ને એક ચોપડી ભૂગોળ,
નકશામાં તો નદીઓ વહેતી, મારે જોવો ગોળ;
વર્ગમાં બેઠો બેઠો મારો પતંગ મનમાં ગાય…
મમ્મી, મારે રમવું છે…

હોમવર્કનો ડુંગર ઊંચો, ઉપર મારી નોટ,
પપ્પા કહે: ‘નેવું આવે,’ મમ્મી કહે: ‘સો પૉઇન્ટ!’
દાદી ધીમે આવી કહેતાં: ‘જા, બકા, રમી આવ ઘડીક ત્યાંય…’
મમ્મી, મારે રમવું છે…

પરાગ કહે: આ દફતરમાંથી એક ચોપડી ઓછી કરજો,
એની જગ્યા પર એક બૉલ ને એક પતંગિયું ભરજો;
બાળપણ જો ભારે થાશે, મોટપ ક્યાંથી હરખાય?
મમ્મી, મારે રમવું છે…

– પરાગ રતનપરા