છે ભીતર

ન કાશીમાં, ન કાબામાં, ખુદાની ઝલક છે ભીતર,
બધા દીવા ઠરે ત્યારે, ખરી જે ચમક છે ભીતર.

ગગન આખું ભમી આવ્યો, બની પંખી ઘણું ઊડ્યો,
હતું આકાશ નાનું, ને ખરું તો ફલક છે ભીતર.

હજારો ઘંટ વાગે છે, ભજનના શોર ગુંજે છે,
જરા મૌને, સુણી લે તું, જગતની ધડક છે ભીતર.

અરીસે ધૂળ જામી છે, ન દેખાશે કશું એમાં,
નયન મીંચી, નિહાળી લે, ખુલે જે પલક છે ભીતર.

પરાગે બાગ ખૂંદ્યા સૌ, ગુલાબો ને કળી ચૂંટી,
પછી જાણ્યું, બધી સૌરભ, બધી યે મહક છે ભીતર.

– પરાગ રતનપરા

#ગઝલ #સૂફી #અધ્યાત્મ #આત્મખોજ #ઈશ્વર #પરાગરતનપરા
#GujaratiGhazal #Sufi #Spirituality #InnerJourney #GodWithin #ParagRatanpara