બુઢાપો

નમેલી કમર ને વિસામો બુઢાપો,
ઘરે સૌ કહે છે: ‘નકામો બુઢાપો.’

હતી દોડધામે જવાની બધીયે,
હવે ખાટલે લે ઉધામો બુઢાપો.

ગયો દીકરો દૂર પરદેશ ચાલી,
હવે ફોન પર લે પ્રણામો બુઢાપો.

ભુલાયાં બધાં: નામ, ચશ્માં, દવાઓ,
છતાં સાંભરે બાળ-ગામો બુઢાપો.

પરાગે ધરી શ્વાસની પોટલી, ને
હવે દ્વારકાએ સુદામો બુઢાપો.

– પરાગ રતનપરા

#ગઝલ #બુઢાપો #વૃદ્ધત્વ #એકલતા #સુદામા #પરાગરતનપરા
#GujaratiGhazal #OldAge #Loneliness #Elderly #Grace #ParagRatanpara