બની જા

ભલે પૂર આવે, કિનારો બની જા,
પડે કોઈ ત્યારે સહારો બની જા.

હવા જ્યાં ભમે છે, ભટકતાં જહાજો,
તમસમાં જ ઝળહળ મિનારો બની જા.

ઘણા રાહદારી થકેલા, દુખી છે,
ઘડી બેસવા તું ઉતારો બની જા.

દિશાહીન નાવો ભમે છે અમાસે,
અડીખમ, અચળ તું સિતારો બની જા.

ખરે પાંદ-ફૂલો, પરાગે કહે છે,
ફરી પાંગરે, તું બહારો બની જા.

– પરાગ રતનપરા

#ગઝલ #અડગતા #સહારો #હિંમત #પ્રેરણા #પરાગરતનપરા
#GujaratiGhazal #Steadfast #BeTheAnchor #Courage #Inspiration #ParagRatanpara