બાકી છે

વટાવ્યું રણ, તરી દરિયો, નવી એ સફર બાકી છે,
ખભે ભારો, પગે છાલાં, હજી કૈં કસર બાકી છે.

પરીક્ષા પાસ, ડિગ્રી પણ, મળી છે નોકરી પણ, ને
હવે ઘર, લોન ને હપ્તા, બચી જે ઉમર બાકી છે.

ગયાં સંતાન પરદેશે, ગયાં પત્ની ય ઈશ્વર ઘર,
હવે ખાલી ઘરેથી બસ, ખુદાનું નગર બાકી છે.

ઘણું જીત્યા, ઘણું હાર્યા, ઘણું પામ્યા, ઘણું ખોયું,
છતાં મારા હૃદયમાં એ જ લડતું જિગર બાકી છે.

ખરી ગઈ પાંખડી સઘળી, ઝરી ગઈ ઓસ પણ, તોયે
પરાગે મ્હેકવું છે, ને હવા પર અસર બાકી છે.

– પરાગ રતનપરા

#ગઝલ #જીવનસફર #સંઘર્ષ #જિજીવિષા #ઉંમર #પરાગરતનપરા
#GujaratiGhazal #LifesJourney #Struggle #Resilience #NeverGiveUp #ParagRatanpara