અક્ષરે

શ્વાસની આ સાવ સીધી જિંદગી છે અક્ષરે,
મૌન થઈ ઝૂકી રહેલી બંદગી છે અક્ષરે.

ગામથી આવ્યો હતો બાનો લખેલો પત્ર, ને
જોડણીની ભૂલ, તોયે સાદગી છે અક્ષરે.

રોજ છાપાંનાં મથાળે ખૂન, ચોરી, ને દગા,
સ્વચ્છ કાગળ પર છપેલી ગંદગી છે અક્ષરે.

હળદરે ખરડેલ પાનાં ડાયરીનાં બા તણાં,
હાથની મીઠાશ, ને એ વાનગી છે અક્ષરે.

ચોપડીમાં ફૂલ સૂકું, ને હજી મ્હેકે ‘પરાગ’,
આ સ્મરણની એ જ ભીની તાજગી છે અક્ષરે.

– પરાગ રતનપરા

#ગઝલ #અક્ષર #શબ્દ #માનોપત્ર #સ્મરણ #પરાગરતનપરા
#GujaratiGhazal #PowerOfWords #MothersLetter #Memories #WrittenWord #ParagRatanpara