આંસુથી

આંગણું આ શબ્દનું મેં રોજ ધોયું આંસુથી,
ને તને પણ આંખમાંથી એમ ખોયું આંસુથી.

હાર ગૂંથ્યો’તો સ્મરણનો મેં તને દેવા જ કાજ,
સ્વપ્નનું મોતી અધૂરું એ જ પ્રોયું આંસુથી.

લોક બોલે: ‘એ ગઝલમાં રાતભર જાગ્યા કરે’,
નામ મારું મેં જ મારાથી વગોયું આંસુથી.

નાનપણમાં એક મેળે હાથ માનો છૂટિયો,
ત્યારથી આ મન સતત ભીતર જ રોયું આંસુથી.

આ ‘પરાગે’ સૂકવેલાં ફૂલ પણ રાખ્યાં હજી,
કે ફરીથી ખીલશે, એ સ્વપ્ન જોયું આંસુથી.

– પરાગ રતનપરા

#ગઝલ #આંસુ #વિરહ #સ્મૃતિ #ગઝલલેખન #પરાગરતનપરા
#GujaratiGhazal #Tears #Longing #Memories #WritingWithTears #ParagRatanpara