વરસ્યો

મને ઝંખતો, એ સવારે વરસ્યો,
બધે ખેતરે ને દુવારે વરસ્યો.

ન પૂછી કદી કોઈની જાત એણે,
ધજાઓ ઉપર ને મઝારે વરસ્યો.

ન’તી સાથ છત્રી, ગયો બ્હાર જ્યારે,
મને એકલાને બજારે વરસ્યો.

હતી ઝૂંપડીમાં ટપકતી પથારી,
ગરીબો ઉપર એ ઉધારે વરસ્યો!

પરાગે જરા ગીત ગાયું હશે ને,
બની સૂર, મારા સિતારે વરસ્યો.

– પરાગ રતનપરા

#ગઝલ #વરસાદ #ચોમાસું #ગામડું #સંગીત #પરાગરતનપરા
#GujaratiGhazal #Monsoon #RainPoetry #Village #Music #ParagRatanpara