વહેંચ્યું

પિતા જ્યાં ગયા, ભાઈ ખેતર વહેંચ્યું,
પછી ઓરડા, ભીંત, ઉંબર વહેંચ્યું.

હતો એક કૂવો, હતું એક પાણી,
અમે ભીંતથી આજ અંબર વહેંચ્યું.

ઉઘાડી પટારી, હતી એક સાડી,
અને જોડમાંથી ય ઝાંઝર વહેંચ્યું.

અમે બાળપણમાં હતા એક સાથે,
હવે બાળપણનું ય દફ્તર વહેંચ્યું.

પરાગે જરા દૂર ઊભા રહીને
જુએ: ગામ સઘળું ય પાદર વહેંચ્યું.

– પરાગ રતનપરા

#ગઝલ #ભાગલા #ભાઈઓ #વારસો #ગામ #પરાગરતનપરા
#GujaratiGhazal #DividedHome #Brothers #Inheritance #BrokenBonds #ParagRatanpara