ઉપરથી

જગત-વૃક્ષ આખું ચમકતું ઉપરથી,
દયાનું ઝરણ ત્યાં ટપકતું ઉપરથી.

ભલે ડાળ નીચે, ધરા પર નમેલી,
છતાં મૂળમાં રસ છલકતું ઉપરથી.

બધાં પાંદડાં વેદ-મંત્રો ઉચારે,
કિરણ સૂર્યનું ત્યાં ઝબકતું ઉપરથી.

અનાસક્તિ-તલવારથી મોહ કાપ્યો,
પછી તો ગગન આ મલકતું ઉપરથી.

પરાગે ગઝલ-પાંદડું એક ખોલ્યું,
અને શબ્દ-ઝાકળ ઢળકતું ઉપરથી.

– પરાગ રતનપરા

#ગઝલ #ગીતા #અશ્વત્થ #અધ્યાત્મ #પુરુષોત્તમયોગ #પરાગરતનપરા
#GujaratiGhazal #BhagavadGita #CosmicTree #Spirituality #Detachment #ParagRatanpara