ઉંબરે

ગામ છોડ્યું, ને છુપાવી એક ચાવી ઉંબરે,
વર્ષ વીત્યાં, તોય જાણે મા જ આવી ઉંબરે.

કંકુ પગલે જે દિવસ આ ઘર મહીં આવી હતી,
સાસુએ ચોખા ઉછાળી, ને વધાવી ઉંબરે.

ઝળહળે દીવા દિવાળીએ, હસે આખું ય ઘર,
દીકરીએ પાંચ રંગે જ્યાં સજાવી ઉંબરે.

દીકરો પરદેશથી આવ્યો ઘણાં વર્ષો પછી,
રાહ જોવામાં જ બાએ ખુદ ખપાવી ઉંબરે.

આ ‘પરાગે’ બારણે આ ફૂલ-તોરણ બાંધતાં,
ને વસંતે મ્હેક એની પણ જગાવી ઉંબરે.

– પરાગ રતનપરા

#ગઝલ #ઉંબરો #ઘર #મા #પ્રતીક્ષા #પરાગરતનપરા
#GujaratiGhazal #Threshold #HomeAndHearth #MothersWait #Homecoming #ParagRatanpara