ઉગાડું

મળે બીજ તો હું પહાણે ઉગાડું,
ગુલાબો ય સૂના મશાણે ઉગાડું.

ભલે હાથ રણ ને નયનમાં તરસ હો,
ઝરણ એક તો પણ ઢળાણે ઉગાડું.

ન નેતા, ન વાદા, ન મોંઘી સભાઓ,
ધરા પર, ધરાના પ્રમાણે ઉગાડું.

નથી બાગ મારો, નથી ખેત મારું,
નવી કૂંપળો હું વહાણે ઉગાડું.

પરાગે ભરી મ્હેક ખોબે, હજી તો
ગઝલ થઈ, નવા કો વિહાણે ઉગાડું.

– પરાગ રતનપરા

#ગઝલ #આશા #સર્જન #ખેડૂત #સંકલ્પ #પરાગરતનપરા
#GujaratiGhazal #Hope #Creation #FarmersWisdom #Resolve #ParagRatanpara