તું વરસ

ધોમ તડકે ધૂળમાં ધખતી ગલીએ તું વરસ,
સાવ સુક્કી, રેતમાં સૂતી નદીએ તું વરસ.

ભીંત પર બા છે હજી, પણ ધૂળ ખાતી ફ્રેમમાં,
આંસુ થઈ, ઝાંખી થયેલી એ છબીએ તું વરસ.

વર્ષ વીત્યે એ મળે છે, ને જવાનું ઝટ કહે,
રોકવા એને, જવાની આ ઘડીએ તું વરસ.

સાંજથી જે રાહ જોતી, અધખુલી બેઠી હજી,
એ તરસતી, બાગની નાની કળીએ તું વરસ.

આ પરાગે પ્રેમનાં ફૂલો ઉગાડ્યાં'તાં કદી,
ઝેરથી બળતી, તરસતી આ સદીએ તું વરસ.

– પરાગ રતનપરા

#ગઝલ #વરસાદ #તરસ #સ્મૃતિ #પ્રાર્થના #પરાગરતનપરા
#GujaratiGhazal #RainPrayer #Thirst #MemoryOfMother #HealingRain #ParagRatanpara