તો ભલે

લોક બોલે: પ્રેમમાં તું સાવ ઘેલો, તો ભલે,
સૌ રિવાજોના નગરમાં હું અકેલો, તો ભલે.

નાતથી બાહર થયો ને બાપ બોલ્યા પણ નહીં,
હું તમારા ઉંબરે ઊભો, ધકેલો, તો ભલે.

આ જગતની આંખમાં પાગલ ગણાયો છું હવે,
પ્રેમગંગામાં નહાયો તોય મેલો, તો ભલે.

પથ્થરો લઈ દોડતું આવે નગર જ્યારે તને,
ઢાલ થઈ ઊભો અડગ ને ઘા પહેલો, તો ભલે.

આ પરાગે ફૂલ છોડ્યાં, બાગ છોડ્યો, રાજ પણ,
ડાળ પરથી પાનખરમાં, હું પહેલો, તો ભલે.

– પરાગ રતનપરા

#ગઝલ #પ્રેમ #બગાવત #સમાજ #સમર્પણ #પરાગરતનપરા
#GujaratiGhazal #LoveAsRebellion #DefyingSociety #Devotion #Courage #ParagRatanpara