થવાને

ગયું બુંદ નાનું સમંદર થવાને,
ફકીરી ધરી કો’ કલંદર થવાને.

ઘણા શીશ કાપ્યાં, ઘણા દેશ બાળ્યા,
છતાં હાથ ખાલી, સિકંદર થવાને.

હવનમાં ઘણાં ઘી-ઘડા ઠાલવે સૌ,
ન માણસ થવાને, પુરંદર થવાને.

અધૂરું ભણી માઇકે ઝૂમતા સૌ,
બધાને ઉતાવળ ધુરંધર થવાને.

પરાગે ન માગ્યું કશું, બસ હવામાં
મહેકી જવું છે, નિરંતર થવાને.

– પરાગ રતનપરા

#ગઝલ #ટીપુંઅનેસમંદર #અહંકાર #ફકીરી #નમ્રતા #પરાગરતનપરા
#GujaratiGhazal #DropAndOcean #Ambition #Humility #SufiSpirit #ParagRatanpara