તારું નામ લઈ

હોઠ પર સાકર સમું ઘોળાય તારું નામ લઈ,
ચાંદ નભમાં રાતભર શરમાય તારું નામ લઈ.

આમ્રવનમાં મોર બેઠો, ને વસંતો ઝૂલતી,
ડાળ પરથી રોજ કોયલ ગાય તારું નામ લઈ.

સાંજ પડતાં આંગણે દીવો કરે છે મા, અને
ઘર મહીં ધીમો પવન પણ વાય તારું નામ લઈ.

ફોનમાં ‘સ્ટેટસ’ લખે છે રોજ સૌ પ્રેમી નવા,
ને પછી ‘ડીલીટ’ સઘળું થાય તારું નામ લઈ.

ફૂલથી છૂટી, હવામાં ઊડતો જ્યાં પણ ‘પરાગ’,
ત્યાં ગલી આખી ય તો મ્હેકાય તારું નામ લઈ.

– પરાગ રતનપરા

#ગઝલ #પ્રેમ #નામ #વસંત #વ્યંગ #પરાગરતનપરા
#GujaratiGhazal #YourName #Romance #SpringLove #ModernLove #ParagRatanpara