સૂકી નદી

વેદના ગીતો હતાં જ્યાં, એ નદી સૂકી હવે,
ઘાટ પર દીવા નથી, ને આરતી ચૂકી હવે.

ગીત દાદીનાં, ભજન ને લોકગીતો ક્યાં ગયાં?
કંઠની ગંગા અમે ક્યાં પાછળે મૂકી હવે?

આવતા જ્યાં બાપ-દાદા, ઊઠતા સૌ માનમાં,
ફોન પર ઝૂકી રહે છે, ડોક ના ઝૂકી હવે.

ગોખલો, ઓટો, ઝરૂખો, ઓસરીનો છાંયડો,
સાંજ ટાણે દીપ ધરવાની પ્રથા ફૂંકી હવે.

આ ‘પરાગે’ શબ્દનાં બે બુંદ રણમાં સીંચિયાં,
તોય ગંગા ગીતની આ ગામમાં ઢૂંકી હવે.

– પરાગ રતનપરા

#ગઝલ #સંસ્કૃતિ #પરંપરા #લોકગીત #વડીલો #પરાગરતનપરા
#GujaratiGhazal #LostCulture #Tradition #FolkSongs #Heritage #ParagRatanpara