સંગાથમાં

ચાલ સાજન, હાલ ને આ રાતના સંગાથમાં,
ચાંદ પણ થોભી ગયો છે વાતના સંગાથમાં.

ઠેસ વાગી, પગ ઘસાયા, રાહ પણ ભૂલ્યાં ઘણી,
તોય હસતાં આપણે, આ ઘાતના સંગાથમાં.

રાતભર જાગી હતી જે આંખ તારી વાટમાં,
એ જ ખૂલી છે નવા પરભાતના સંગાથમાં.

બાળપણમાં ઓસરીમાં એક ડગ માંડ્યું હતું,
ત્યારથી હું ચાલતો આ માતના સંગાથમાં.

ભીડમાં વરસો રખડતો, તોય પામ્યો ના ‘પરાગ’,
આખરે પામ્યો સ્વયંને જાતના સંગાથમાં.

– પરાગ રતનપરા

#ગઝલ #પ્રેમ #સંગાથ #સફર #આત્મખોજ #પરાગરતનપરા
#GujaratiGhazal #Togetherness #JourneyOfLove #MothersHand #SelfDiscovery #ParagRatanpara