સ્કૂટરે

તું પછાડી, હું જ આગળ, બેઉ ફરતાં સ્કૂટરે,
વાળ તારા ઊડતા, ને ખૂબ હસતાં સ્કૂટરે.

એક દી પેટ્રોલ ખૂટ્યું, રાતના બે વાગિયે,
હું ધકેલું, તું ય ગાતી, ગીત ગમતાં સ્કૂટરે.

બાપુએ દીઠાં બજારે, ને પછી તો શું કહું?
આખરે ચોરી સુધી પણ, એ જ ભમતાં સ્કૂટરે!

આજ મોટરમાં ફરે છે, કાચની બારી બધી,
ક્યાં ગયા એ વાયરા, જે ગાલ રમતાં સ્કૂટરે?

આલ્બમે જૂના, પરાગે, એક ફોટો છે હજી,
બે જુવાનો, ને વસંતે ફૂલ ખરતાં, સ્કૂટરે.

– પરાગ રતનપરા

#ગઝલ #પ્રેમ #જુવાની #સ્મૃતિ #દાંપત્ય #પરાગરતનપરા
#GujaratiGhazal #ScooterRomance #YoungLove #Nostalgia #Marriage #ParagRatanpara