સમજી ગયો

કાલ લડતો’તો બધાથી, આજને સમજી ગયો,
કોણ ખુરશી પર ટકે છે, રાજને સમજી ગયો.

બૉસ ખોટો હો છતાં ‘હા જી’ કહું છું હું હવે,
પેટ માટે મૌન રાખ્યું, લાજને સમજી ગયો.

જે વખાણે મંચ પરથી, એ જ પામે છે ઇનામ,
ઢોલ કોનો વાગશે, એ સાજને સમજી ગયો.

શ્રીમતીજીનો હુકમ છે એ જ સાચો, ભાઈઓ,
આ ઘરે કોના શિરે છે, તાજને સમજી ગયો.

ફૂલ ખરવાનું જ છે, એ જાણતો આવ્યો ‘પરાગ’,
મ્હેક વેરી દઈ, ખુદાના કાજને સમજી ગયો.

– પરાગ રતનપરા

#ગઝલ #વ્યંગ #સમજણ #સમાધાન #જીવનબોધ #પરાગરતનપરા
#GujaratiGhazal #Satire #WorldlyWisdom #Compromise #LifeLessons #ParagRatanpara