સાંજના

ઓસરીમાં હીંચકો આ સાવ ખાલી સાંજના,
કોણ પીવે? ચા ભરેલી એક પ્યાલી સાંજના.

એ હતી તો ઘર હતું, આ તો હવે છે ઓરડા,
રોનકો એની જ સાથે સાથ ચાલી સાંજના.

આરતી ટાણે હવે હું રોજ ભૂલું છું બધું,
બારણું ખખડાવતી, તું યાદ વ્હાલી, સાંજના.

દીકરો પરદેશથી પૂછે: ‘મજામાં છો, પિતા?’
‘હા’ કહું, ને ધ્રૂજતો હું ભીંત ઝાલી સાંજના.

એ નથી, તોયે પરાગે ફૂલ વાવેલાં હજી,
મોગરાની મ્હેક ઓઢી એક ડાળી સાંજના.

– પરાગ રતનપરા

#ગઝલ #એકલતા #વિધુર #સંધ્યા #સ્મરણ #પરાગરતનપરા
#GujaratiGhazal #Loneliness #Widower #EmptyEvenings #MissingHer #ParagRatanpara