સાંજના

યાદની ડમરી ચડે, ને મન ડહોળે સાંજના,
આંખના આકાશને અંધાર બોળે સાંજના.

ઘર ભણી પાછાં ફરે પંખી બધાં, ને હું જ બસ
એકલો બેઠો રહું હું યાદ-ખોળે સાંજના.

રોજ બે કપ ટેબલે, ને એક ઠરતો જાય છે,
યાદની સાકર જરા એમાં ય ઢોળે સાંજના.

આરતીના ઘંટ વાગે, ધૂપ ઊઠે ગામમાં,
ને ખુદા મારી દુઆઓ સૌ ય તોળે સાંજના.

ફૂલ સૌ બીડાય, ને આ મ્હેક થાકીને ‘પરાગ’
ઊંઘતી જાણે હવાની એક ઝોળે સાંજના.

– પરાગ રતનપરા

#ગઝલ #સાંજ #સ્મરણ #એકલતા #પ્રાર્થના #પરાગરતનપરા
#GujaratiGhazal #Evening #Memories #Solitude #Dusk #ParagRatanpara